Мектеп тарихы

Мектеп  тарихы

  Бұл  мектептің  іргетасы   1968  жылы  Бестам   елді  мекенінде  бастауыш   мектеп  болып  қаланды.   

1974 жылы ауыл тұрғындарының өтінішіне байланысты Бестам сегіз жылдық мектебі болып ашылып ыңғайластырып соғылған жаңа ғимаратты пайдалануға берілді. 

Халық депутаттары Талас аудандық Советі президумының 1991 жылғы 25-қыркүйектегі №49 қаулысына сәйкес Бестам орталау мектебінің атауы Ш.Смаханұлы атындағы орталау мектеп болып ауыстырылды. «Талас ауданы әкімияты білім бөлімінің «Ш.Смаханұлы атындағы Сейілбек ауылының орта мектебі» мемлекеттік мекемесі» Талас ауданы әкімиятының 2007 жылғы 24 қыркүйектегі №424 қаулысына сәйкес атауы «Талас ауданы әкімияты білім бөлімінің «Ш.Смаханұлы атындағы Сейілбек ауылының негізгі мектебі» мемлекеттік мекемесі» болып өзгеруіне байланысты қайта тіркелді. 

Жамбыл облысы  Әділет департаментінің Талас ауданының Әділет басқармасы КУӘЛІК тіркеу нөмері 1-1919-10 ММ бизнес-сәйкестендіру нөмері 03070001375   2012 жылғы «24» қыркүйек күні берілген.   «Талас ауданы әкімдігі білім бөлімінің «Шона Смаханұлы атындағы Сейілбек ауылының негізгі мектебі» коммуналдық мемлекеттік мекемесінің Жарғысы  Талас ауданы әкімдігінің  2012 жылғы 07 тамыздағы №251 қаулысымен бекітілген. Қазақстан Республикасы Жамбыл облысының Әділет департаменті Талас ауданының Әділет басқармасы 2012 жылғы 12 наурызда заңды тұлғаны қайта тіркеу жүргізді.  

«Білім беру ұйымдарының жарғыларын бекіту туралы» «Талас ауданы әкімдігінің 2018 жылғы «11» мамырдағы №110 қаулысымен бекітілген мектеп Жарғысына сәйкес Талас ауданы әкімдігі білім бөлімінің «Ш.Смаханұлы атындағы Сейілбек ауылының негізгі мектебі» коммуналдық мемлекеттік мекемесі Әділет органында заңнамада белгіленген тәртіпте Талас ауданы әкімдігінің білім бөлімі «Шона Смаханұлы атындағы Сейілбек ауылының негізгі мектебі» коммуналдық мемлекеттік мекемесі мемлекеттік қайта тіркеуден өткізілді. 

Қазақстан Республикасы Білім және ғылым саласындағы  бақылау комитетінің Жамбыл облысы білім саласындағы бақылау департаменті мемлекеттік мекемесінің 2017 жылғы 14 наурыздағы №165 бұйрығы негізінде «Талас ауданы әкімдігі білім бөлімінің «Ш.Смаханұлы атындағы Сейілбек ауылының негізгі мектебі» коммуналдық мемлекеттік мекемесіне мемлекеттік аттестаттау нәтижелері бойынша мемлекеттік жалпыға міндетті білім беру стандарттарының талаптарына сәйкес деп есептелінді. 

Мектеп мемлекеттік тілде оқу жүргізеді. Мектептің жобалық қуаты 100 орындық. Жалпы негізгі білім беретін білім мекемесі, шектеусіз мерзімге құрылған. Мекеме Қазақстан Республикасының үздіксіз білім беру жүйесінің негізгі бөлігі болып табылады және Қазақстан Республикасының барлық азаматтарына мемлекет бекіткен құқық пен жалпыға бірдей міндетті стандарт көлемінде ақысыз білім беру мүмкіндігін береді.

  Қазіргі  уақытта  Шона   Смаханұлы  атындағы  негізгі   мектебінің  білім  нәрімен   сусындатқан  алтын  ұяға   айналуына еңбек  сіңірген мектеп  директорлары: 

  1974-1975   жылдары А.Ормантаев 

  1975-1977   жылдары  Ж.Сағымбеков  

  1977-1980   жылдары  Ә.Сабырбаев  

  1980-1981   жылдары  А.Қырманшиев, Ж.Қилыбаев 

  1982-1984   жылдары  Қ.Өмірбаев  

  1990-1991   жылдары Е.Жантайбеков  

  1991-2012   жылдары беделді, іскер басшы   С.Жотаева  елеулі  еңбек   етті. 

2012 жылдың 26 қыркүйек айынан бастап Б.Ракымбердиева басқарып келеді. 

Мектепте Қазақстан Республикасының білім министрлігінің   марапат иегерлері С.Толеуов,  С.Күрішбекова,   Д.Сүлеймбекова  және  басқа   да    ұстаздар  қызмет   етті. 

  Бұл  мектеп қабырғасынан  ақын-жазушы    Болат Бекжанов,   Республикалық  «Үкілі  үміт»   сазгерлер  байқауының  лауреаты,   талантты  сазгер-әнші  Сәрсенбек Бәкіров, Қазақстан Журналистер одағының мүшесі, Бауыржан Момышұлының 100 жылдығына орай шығарылған «Батыр шапағаты» медалінің иегері Ерман Әбдиев сияқты   танымал  азаматтар  білім алған. 

    2004 жылы  мектеп   аумағанда  осы  мектептің   түлегі  ауған  соғысының   құрбаны  болған  жауынгер-интернационалист  Бүркітбай   Битібаевтың  атына  салынған   спорт  кешені  қолданысқа   берілді. Спорт  кешенінің  бой   көтеруіне  тікелей  мектептің   дене  шынықтыру  пәнінің   мұғалімі  Ж.Тұрар  ұйтқы   болды.  Ауыл  қариялары   мен    азаматтары  демеушілік   жасап,  мектеп  ұжымы   табандылықпен  еңбек   етті.   Қазіргі  уақытта мектеп  оқушылары спорттық дайындық  жұмыстарының   талапқа  сай  болу   нәтижесінде  республикалық,  облыстық,   аудандық  көлемдегі  жарыстарда   көзге  түсіп,  жүлделі   орындарды  иеленуде. 

Егеменді  еліміздің   болашақ  ұрпақтарына  білім   беруде  жаңа  технологиялық   процестерді  енгізіп,  дамыту   мен  қалыптастыру,  жаңаша   оқыту  жағдайларындағы жүйелі  жұмыстардың   нәтижесінде  2000 жылы  «Мектеп   тарихы» көрмесінде мектеп   тарихын  жан-жақты  насихаттап   көрсете  білгені  үшін   ІІІ  дәрежелі  дипломмен   марапатталды. 

2001-2002  оқу   жылының  қорытындысы  бойынша   «Жылдың  таңдаулы  мектебі»   атағына  ие  болды. 

2014 жылы Шона Смаханұлының 90 жылдығына арналған аймақтық «Ақпейіл, азат, ырысты, 

Айналдым туған халқымнан» атты іс-шараның өтілуіне байланысты жас ұрпақтың бойына 

патриоттық тәрбие бере отырып, азаматтық тұлға қалыптастырудағы елеулі еңбегі үшін Талас ауданы әкімдігінің білім бөлімінің Алғыс хатымен марапатталды. 

2016 жылы Талас ауданы әкімдігі білім бөлімі мен «Балалар мен жасөспірімдер орталығы» 

ұйымдастыруымен өткізілген «Мәңгілік ел-мәңгілік тарих» атты аудандық сайыстың аймақтық 

кезеңінде ерекше өнер корсетіп ІІ орынды иеленді.2016-2017 оқу жылындағы рейтинг қорытындысы 

бойынша «ҮЗДІК НЕГІЗГІ МЕКТЕП» номинациясымен марапатталды. 

Қазіргі  таңда  мектептегі оқу-тәрбие үдерісін ұйымдастыру үшін   педагог қызметкерлермен  толықтырылған.